لومپنلر

بولانلیقدا بویلالانلار

توزاناقدا جانلانانلار

جایدیرانلار ، سالدیرانلار

یالانلیغی بسله ینلر

یالانلاری سسله ینلر

دوغرلاری پیسله ینلر

چاغریلمامیش دورتولنلر

یؤنه دیلمیش لومپنلر

ایچی بوش ، دیلی اوزون قالتاقلار

آغلی قیسا ، الی اوزون یالتاقلار

کین کیدورت کؤرویونو پوفله ینلر

آزغین گوبود یارامازلار

قارا یاخان اوتانمازلار

آرا قاتان دوندان دونا گیرنلر

یونتالمامیش ، آلدانیلمیش

دوغرولاری بیچنلر

یؤنه دیلمیش لومپنلر

بوش بوغازلیق اورتامیندا باج آلانلار

جیغجیغا تک کوی سالانلار

بوهتانلاردان آسلانانلار

آلدالانلار ، آللادانلار

دورولوغا ترس اولانلار

بو لانلیغا سس اولانلار

چاغریلمامیش تپیلنلر

اؤیره دیلمیش لومپنلر

آرینمادان ، دورولمادان

النمه دن ، سوورولمادان

دوغرولاری قورومادان

آیدینلیغی سووونمادان

دیرچلمه ریک

یوکسلمه ریک

بیز بیز اولوب قارانلیغی آشانماریق

اسماعیل جمیلی